Bu gün səhər saatlarında Tehran şəhərindən (İran) Bakıya yerinə yetirilməli olan J2 006 nömrəli aviareys təxirə salınıb. "İran Hava Yolları"nın Bakı nümayəndəliyindən "Report"a verilən məlumata görə, Tehran-Bakı reysinin təxirə salınmasına təyyarədə baş vermiş texniki problemlər səbəb olub.
Heydər Əliyev Beynəlxalq Hava Limanından isə bildirilib ki, bu gün saat 04:30-a təyin olunan Tehran-Bakı marşrutu üzrə reys sabah eyni qrafik üzrə yerinə yetiriləcək.Qeyd edək ki, Tehran-Bakı xətti üzrə həftənin hər günü reyslər həyata keçirilir. Bakıdan uçuş vaxtı 22:30-da başlayır, uçuş 1 saat 15 dəqiqə davam edir və təyyarə 02:35-də Tehrandan Bakı istiqamətində geriyə dönür.
