Ağdam rayonunun Şıxbabalı kənd qəbristanlığında partlamamış hərbi sursat tapılıb.

Qaziler.az bildirir ki, bu barədə Qarabağ qazisi, tanınmış jurnalist Rey Kərimoğlu öz feysbuk hesabında yazıb.

"Bu gün səhər Ağdam rayonunun Şıxbabalı kənd qəbristanlığında partlamamış hərbi sursat olması barədə mənə məlumat daxil oldu. Mən də müvafiq təlimata uyğun olaraq DİN - 102 xidmətinə zəng edərək bu barədə məlumat verdim. Qısa müddət ərzində ANAMA-nın regiondakı əməliyyatçıları mənə zəng edib ərazini dəqiqləşdirdilər. Bir müddət sonra ANAMA əməkdaşları ərazidə olduqlarını, mərmini tapıb zərəsizləşdirdiklərini bildirdilər. DİN və ANAMA komandasına həm dərhal reaksiya verdiklərinə, həm də mərminin tapılıb zərərsizləşdirimısinə görə Şıxbabalı sakinləri adından minnətdarlığımızı bildiririk. 

P.S. İşağldan azad olunmuş ərazilərə köçən, səfər edən hər kəsdən xahiş edirik ki, diqqətli olsunlar. Partlamamış hərbi sursat, mina və ya tanımadıqları təhlükəli əşya görərkən toxunmasınlar.

Dərhal 102 xidmətinə zəng edin.

Ərazidə olan ANAMA əməkdaşlarına məlumat verin.

QAZİLER.AZ