Birinci Qarabağ müharibəsində itkin düşmüş, 30 il sonra dəfn yeri və kimliyi müəyyən edilən şəhid Ramiz Mahmud oğlu Mahmudovun qalıqları Zaqatalada dəfn olunub.

Apa-nın məlumatına görə, Ramiz Mahmudovun qalıqları Zaqatala rayonunun Aşağı Tala kənd qəbiristanlığında torpağa tapşırılıb.

Dəfn mərasimində rayon rəhbərliyi, hərbçilər, ictimaiyyət nümayəndələri və şəhidin yaxınları iştirak edib.

Qeyd edək ki, Ramiz Mahmudov 1975-ci ildə Zaqatala rayonu Aşağı Tala kəndində dünyaya gəlib. 1993-cü ildə həqiqi hərbi xidmətə gedib. 1994-cü ildə Tərtər rayonu Seysulah kəndi istiqamətində gedən döyüşlərdə itkin düşüb. Ramiz Mahmudovun qalıqları Tərtər rayonu ərazisində aşkar olunub.