Musiqisi Rauf Hacıyevə, sözləri Ənvər Əlibəyliyə məxsus “Azərbaycanım” mahnısının sədaları ətrafa yayılır. Xalqımızın qələbə sevinci, Böyük Qayıdışın qüruru bu musiqi parçasında aydın şəkildə ifadə olunub.

Qaziler.az xəbər verir ki, Qaçqınların və Məcburi köçkünlərin İşləri üzrə Dövlət Komitəsi tərəfindən Bakı şəhərində pianoçu, Əməkdar artist Emil Əfrasiyabın iştirakı, Ağdam rayonu Xan Şuşinski adına Muğam Uşaq Musiqi Məktəbinin dəstəyi ilə musiqili fləşmob keçirilib.

Məcburi köçkünlərin yeni salınmış yaşayış məntəqələrinə geri qayıdışı üçün məlumatlandırma, təbliğat-izahat və təşviqat işlərinin aparılması çərçivəsində həmin fləşmob haqqında hazırlanmış videoçarxı təqdim edirik.