Bu yaxınlarda "Dünyəviliyin və Maarifpərvərliyin" Təbliğinə Dəstək İctimai Birliyinun üzviləri tərəfindən Qaxda ahıllarla görüş təşkil olunub. Görüş, yaşlı nəsillə daha sıx əlaqələr qurmaq, onların təcrübələrini və həyat hekayələrini paylaşmaq məqsədi daşıyıb. Tədbirdə yerli icmanın ağsaqqalları və ahıl şəxslər, iştirak ediblər. Görüş zamanı İctimai Birliyin sədri üzvi Arzu Səlimova çıxış  edərək ahılların cəmiyyətin əvəzolunmaz üzvləri olduğunu və onların təcrübə və biliklərinin gələcək nəsillərə ötürülməsinin vacibliyini vurğulayıb. O, belə tədbirlərin ahılların cəmiyyətlə daha sıx əlaqədə olmasına və onların sosial həyatının zənginləşməsinə kömək etdiyini qeyd edib.

Ahıllar isə öz növbəsində, belə görüşlərin onlar üçün nə qədər önəmli olduğunu, gənclərlə keçmişin təcrübələrini paylaşmaqdan məmnunluq duyduqlarını bildiriblər. Onlar gənclərə müxtəlif mövzularda – ailə dəyərləri, ənənələr, milli-mənəvi dəyərlərin qorunması və multikulturalizm haqqında dəyərli tövsiyələr veriblər.

Tədbirdə, həmçinin, ahılların sağlamlıq və rifahı ilə bağlı məsələlər də müzakirə olunub. İctimai Birlik üzvləri, ahılların ehtiyaclarını daha yaxından öyrənmək və onların həyat şəraitini yaxşılaşdırmaq üçün gələcəkdə də bu cür görüşlərin mütəmadi olaraq keçirilməsini planlaşdırdıqlarını bildiriblər.

 Tədbir iştirakçıları, belə görüşlərin həm ahılların sosial inteqrasiyasını təmin etmək, həm də cəmiyyətin müxtəlif təbəqələri arasında əlaqələri möhkəmləndirmək baxımından əhəmiyyətli olduğunu vurğulayıblar.