Xalq artisti Ağadadaş Ağayev mühafizəçi ilə aralarında baş verən hadisədən sonra ilk dəfə açıqlama yayıb.
O qeyd edib ki, sözügedən görüntülər təfərrüatı tam şəkildə əks etdirmir:
"Son günlər sosial şəbəkələrdə yayılan məlum xoşagəlməz hadisədən sizin də mənim kimi üzgün olduğunuzu bilirəm və inanıram. İlk öncə bir Xalq artisti, xalqa örnək olan bir şəxs kimi, eyni zamanda, dövlətinə və onun qanunlarına sadiq olan bir şəxs kimi hər hansı bir səbəbdən olursa olsun fərq etməz, etdiyim bu yanlış hərəkətin fərqindəyəm. Təəssüf hissi ilə dövlətimdən və xalqımdan üzr istəyirəm".
