30 ildən çox işğalda qalan, sonra digər torpaqlarımız kimi azad edilən Ağdamın Şıxbabalı kəndindən olan şəhidlərin həmin kənddə olan banneri yenilənib.

Bu barədə həmin kənddən olan qazi Rey Kərimoğlu Qaziler.az-a bildirib.

"Şıxbabalının 13 şəhidi, onlarla qazisi var. O şəhidlərdən üçünün məzarı Şıxbabalı qəbirstanlığındadır. 2021-ci ildə Şıxbabalı sakinləri o qəbirləri tapıblar. Və onların üzərində doğum, ölüm illəri olan şəkillər qoyulub. Eyni zamanda digər şəhidin şəkillərimizin olan banner qoyuldu. 13-cü şəhidimiz Elxan Nəcəfli 2023-cü ilin sentyabr ayındakı antiterror əməliyyatı zamanı şəhid olmuşdu. Onun da şəkli bannerə əlavə olundu. Bir sözlə, kəndimizdən olan şəhidlərimizin bannerini təzələdik. Qəbirstanlıqda ölənlərimizin, şəhidlərimizin ruhuna dualar oxuduq, fatihə verildi. Allah bütün şəhidlərimizə rəhmət eləsin!", - deyə Rey Kərimoğlu bildirib.

Statistikaya görə, 1993 cü ildə Şıxbabalıda 485 təsərrüfat, 1898.nəfər olub. 2024-cü il statistikasına görə,  573 təsərrüfat, 2115 nəfər var.

QAZİLER.AZ