Kiberdələduzluq halları ilə bağlı vətəndaşlara xəbərdarlıq edilib.

Bu barədə Daxili İşlər Nazirliyi (DİN) məlumat yayıb.

DİN kiberdələduzluq hallarına qarşı vətəndaşları ehtiyatlı olmağa çağırıb.

Qeyd olunub ki, artıq bəzi vətəndaşlar qurbana çevriliblər:

“Bir vətəndaşın 7 800 manat pulu Cənubi Amerika ölkələrindən birinin bank hesabına köçürülüb. İlkin olaraq 10 dollar köçürüb və üç dollar qazanıb. Hesabına 13 dollar qayıdıb. Sonra 50 dollar köçürüb. Hesabına 61 dollar qayıdıb. Növbəti gün dostlarına xəbər edib ki, bu gecə xeyli pul qazanmışam. Eyni koordinantla davam ediblər. Və nəticədə bütün pulları oğurlanıb”.