Müharibə Veteranı Qadınlarına Sosial Yardım İctimai Birliyinin icra etdiyi şəhidlərimizin tanıdılması məqsədi ilə “Vətən yolu” sənədli filmin çəkilməsi adlı layihənin maliyyə dəstəyini Azərbaycan Respublikası Qeyri Hökumət Təşkilatlarına Dövlət Dəstəyi Agentliyi verib.

2021-ci ildə elan olunmuş kiçik qrand layihələri müsabiqəsində qalib olan təşkilatmızın məqsədi vətən uğrunda şəhid və qazi olmuş vətən oğullarının tanıdılmasıdır. Layihənin icrası məqsədi ilə “Vətən yolu” filminin Yardımlı rayonunda nəzərdə tutulan çəkilişləri artıq başa çatmışdır. Haqqında film çəkiləcək şəhidimizin biri Yaqublu Fərman Telman oğlu isə Yardımlı rayonunun Çayüzü kəndindəndir. Onun atası da 1992-ci ildə Azərbaycanın ərazi bütövlüyü uğrunda döyüşlərdə iştirk edib, qazi olub. Fil mimizin ideyasına uyğun olaraq, 1992-ci ildə vətən uğrunda döyüşən igidlərimizin 2020-ci ildə vətən uğrunda döyüşən şəhid və qazi olan övladlarının tanıdılmasıdır. Yardımlıda aparılmış çəkilişlərimiz zamanı şəhidimiz Yaqublu Fərman Telman oğlunun atası və 3 əmisi birinci Qarabağ müharibəsində vətən uğrunda gedən döyüşlərdə iştirak ediblər. Bu faktlar bizim üçün yenilik oldu. Demək ki, biz vətən yolunda canından keçən oğullarımızı hələ də tanımamışıq. Layihəmizdə artıq Fərmanın əmilərinin tandılmasını da həyata keçirəcəyik.

Uzaq dağ kəndindən heç vaxt görmədikləri Qarabağ uğrunda canından keçməyə hazır olan Yardımlı övladlarının vətən sevgisi bir nümunədir. Biz də bu vətənpərvərlik hisslərinin yayılmasına çaklışıacağıq.
Layihə 4 ay müddətində icra olunacaq. Hər kəsə uğurlar arzu edirik.

Allah bütün şəhidlərimizə rəhmət eyləsin!

MVQSYİB-nin sədri Radə Abbas