Dağıstanda itkin düşən idmançı Anna Tsomartovanın valideynləri Change.org saytında dərc olunan petisiyada Rusiya prezidenti Vladimir Putindən kömək istəyiblər.

Qaziler.az bildirir ki, bu barədə Rusiya mətbuatı yazır.

"Biz hesab edirik ki, Anna Tsomartovanın yoxa çıxması ilə bağlı obyektiv araşdırma aparmaq üçün Rusiya prezidenti Vladimir Vladimiroviç Putinin istintaqda iştirakı lazımdır", - qızın atası Nikolayın dərc etdiyi mətndə deyilir.

Daxili İşlər Nazirliyinin Rostov Hüquq İnstitutunun 3-cü kursunda təhsil alan 21 yaşlı kursant fevralın 10-da Kaspiyskdə tay boks üzrə keçirilən yarışda iştirak edib. Qız turnirdə uğursuz çıxış edib, bundan sonra sahil boyunca gəzməyə qərar verib. 

Bundan sonra Anna Tsomartova bir daha yaşadığı otelə qayıtmayıb. Yaxınlarının dediyinə görə, Anna sonuncu dəfə idarə sanatoriyasının ərazisində görünüb.

Hələlik idmançının taleyi və harada olması barədə heç nə məlum deyil. Rusiya Fövqəladə Hallar Nazirliyinin əməkdaşları, polis əməkdaşları, Osetiyadan olan könüllülər və yaxınları qızın axtarışlarını davam etdirirlər. Xəzər dənizinin sahil xətti boyunca axtarışlar 156 kilometrə qədər uzanır.

QAZİLER.AZ