Əvvəlcədən xəbər verildiyi kimi, ölkə ərazisində yağıntılı hava şəraiti müşahidə olunur. Bəzi yerlərdə qar yağır. Gözlənilən yağıntılı və şaxtalı hava şəraiti ilə əlaqədar yanvarın 16-dək gecə və səhər saatlarında xüsusən də dağlıq və dağətəyi rayonlarda bəzi magistral yolların buz bağlaması ehtimalı var.

QAZILER.AZ  AZƏRTAC-a istinaden xəbər verir ki, bunu Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova deyib.

G.Məmmədovanın sözlərinə görə, yağıntıların yanvarın 15-i səhər saatlarından tədricən kəsiləcəyi gözlənilir. Belə ki, yanvarın 15-i gündüz Bakıda və Abşeron yarımadasında və bölgələrdə hava şəraitinin əsasən yağmursuz keçəcəyi proqnozlaşdırılır.