Litvadan olan Avropa Parlamentinin deputatı və ölkənin keçmiş baş naziri Andrius Kubiliyus hazırkı prezident Gitanas Nausedanın ikinci müddətə yenidən seçilmək qərarını tənqid edib.

Qaziler.az bildirir ki, bu barədə Sputnik Litva yazır.

Cümə axşamı keçirilən mətbuat konfransında Nauseda 2024-cü ilin mayında Litvada keçiriləcək prezident seçkilərində iştirak etmək niyyətindən danışıb. Ölkənin keçmiş baş naziri bu fikri tənqid edib.

“Biz” və dövlət üçün “ümumi rifah”  haqqında çoxlu sözlər var: bu, mənə milçək haqqında bir lətifəni xatırladır. Ağır zəhmətlə yer şumlayan öküzün buynuzları arasında oturan milçək: necə yaxşı yer şumladıqları haqda fəxrlə bəyan edir”, - deyə Kubiliyus  prezidentin çıxışını şərh edib. O, zərərsiz vızıltı və faydanın olmaması səbəbindən Nausėda'nın milçəklə müqayisəsinin qaçılmaz olduğunu söylədi. Avropa Parlamentinin deputatı təklif etdi ki, ölkəyə daha çox fayda gətirəcək başqa prezident lazımdır.