Qarabağ qazisi Abdullayev Elçin Yusif oğlu vəfat edib.

Bu barədə Qaziler.az-a Rey Kərimoğlu məlumat verib.

Elçin Abdullayev 20 aprel 1974-cü ildə Ağdam rayonunun Qarazeynallı kəndində doğulub. Tərtər-Ağdərə istiqamətində gedən bütün döyüşlərdə iştirak edib. Azərbaycanın azadlığı uğrunda gedən döyüşlərdə indiki Suqovuşan istiqamətində döyüşərkən qəhrəmanlıq göstərib. Ağdərə rayonu Dəmirçilər kəndi istiqamətində gedən döyüşdə yaralanıb. Ailəli idi, iki övladı var.

“Qarabağ qaziləri” İctimai Birliyi, Azərbaycanın Milli Qəhrəmanı Asif (Fred) Məhərrəmov adına İnkişaf Fondunun, QAZİLER.AZ saytının kollektivləri E.Abdullayevin vəfatından kədərləndiyini bildirir və mərhumun ailəsinə başsağlığı verir!

Allah rəhmət eləsin!

QAZİLER.AZ