Qarabağ qazisi Qurbanov Bəhmən Novruz oğlu vəfat edib.

Bu barədə Qaziler.az-a Qarabağ qazisi Rey Kərimoğlu məlumat verib. O, qazinin uzun sürən xəstəlikdən sonra dünyasını dəyişdiyini bildirib.

Qurbanov Bəhmən Novruz oğlu 1966-cı ildə Ermənistanda dünyaya gəlib. Şuşa və Ağdam istiqamətində gedən döyüşlərdə iştirak edib. Azərbaycanın azadlığı uğrunda gedən döyüşlərdə qəhrəmancasına döyüşən Bəhmən Qurbanov 1992-ci ildə Ağdamda yaralanıb. Ailəli idi. Üç övladı var.

“Qarabağ qaziləri” İctimai Birliyinin Qarabağ filialının idarə heyətinin üzvü olub.

“Qarabağ qaziləri” İctimai Birliyi, Azərbaycanın Milli Qəhrəmanı Asif (Fred) Məhərrəmov adına İnkişaf Fondunun, QAZİLER.AZ saytının kollektivləri B.Qurbanovun vəfatından kədərləndiyini bildirir və mərhumun ailəsinə başsağlığı verir!

Allah rəhmət eləsin!

QAZİLER.AZ