Gürcüstanda kurort ərazisində torpaq sürüşməsi baş verib.

Qaziler.az bildirir ki, bu barədə avqustun 3-də Gürcüstanın Ambebi xəbər agentliyinin saytı ölkənin Daxili İşlər Nazirliyinə istinadən məlumat yayıb.

“İctimai Təhlükəsizliyi İdarəetmə Mərkəzi 112-yə Şovidə yerləşən "Sanset Şovi" otelinin yaxınlığında baş verən sürüşmə ilə bağlı məlumat daxil olub. Artıq hadisə ilə bağlı bütün aidiyyatı idarələr məlumatlandırılıb, müvafiq texnika hadisə yerinə cəlb edilib”, - deyə Daxili İşlər Nazirliyindən jurnalistlərə bildiriblər.

Gürcüstan mətbuatının məlumatına görə, nəticədə “Sunset Şovi” otelində 16 nəfərin torpaq altında qaldığı bildirilir.

Hazırda xilasetmə əməliyyatı aparılır.

Hələlik hadisə nəticəsində ölənlər barədə məlumat verilməyib.

QAZİLER.AZ