Bu gün Qarabağ qazisi Zaid Nəzərov Bibiheybət qəbiristanlığında atasının yanında dəfn olunub.

Bu barədə Qaziler.az-a Rey Kərimoğlu məlumat verib.

O bildirib ki, dəfndə “Qarabağ qaziləri” İctimai Birliyinin sədri Asəf Əliyev başda olmaqla, birliyin Bakı filialının sədrləri, nümayəndələri, eyni zamanda Müdafiə Nazirliyinin nümayəndələri, ailə yaxınları və qardaşları iştirak ediblər.

Dəfndə son zamanlar qazilər tərəfindən formalaşmış bayraq təqdimetmə mərasimi də olub. Rey Kərimoğlu saytımıza açıqlayıb ki, mərasimdə qazilər dəfn edilənə kimi Azərbaycan bayrağı cənazənin üzərinə sərilir. Dəfn edildikdən sonra bayraq götürülərək ailə üzvlərindən birinə verilir. Zaid Nəzərovun cənazəsinə sərilmiş üçrəngli Azərbaycan bayrağı “Qarabağ qaziləri” İctimai Birliyinin mətbuat xidmətinin rəhbəri Rey Kərimoğlu tərəfindən qazinin ailə üzvlərinə təqdim edilib.

Xatırladaq ki, bu gün Qarabağ qazisi Zaid Nəzərov uzun sürən xəstəlikdən sonra vəfat edib. Qazi  birinci Qarabağ döyüşlərində Azərbaycanın ilk tankçılarından olub. Ailəli idi, 2 övladı var.

QAZİLER.AZ