Bakıda narkotiklərin qanunsuz dövriyyəsində şübhəli bilinənlər saxlanlıb.
QAZİLER.AZ Lent.az-a istinadən xəbər verir ki, Nəsimi rayon polis İdarəsinin Narkotiklərlə mübarizə bölməsinin əməkdaşları tərəfindən bu istiqamətdə əməliyyat keçirilib. Nəticədə Nağızadə Oqtay Zaur oğlu tanışı yetkinlik yaşına çatmayan Y. Nəcəfzadə ilə birlikdə iyunun 24-ü saat 19 radələrində Mərdanov Qardaşları küçəsində saxlanılaraq rayon Polis İdarəsinə gətirilib. Orada üzərlərində şəxsi axtarış keçirilən zaman 2010,3 qram çəkidə kustar üsulla hazırlanmış narkotik vasitə heroin aşkar olunaraq götürülüb.
Saxlanılan şəxslər barəsində cinayət işi başlanılaraq ibtidai istintaq aparılır.
