Biləsuvar rayonundan olan Qarabağ qazisi Yaqubov İslam Alı oğlu 57 yaşında Rusiyada dünyasını dəyişib.

Qaziler.az xəbər verir ki, bu barədə məlumatı qazi Rey Kərimoğlu verib.  

O bildirib ki, Rusiyada yaşayan qazi ora işləməyə gedibmiş.

İslam Yaqubov birinci Qababağ müharibəsi iştirakçısı olub. Ağdərə-Murov istiqamətində gedən döyüşlərdə ağır yaralanıb. Ailəlidir, iki övladı var. Oğlu da 44 günlük Vətən müharibəsində döyüşüb.

Qazinin nəşi bu gecə Bakıya çatdırılacaq və sabah Xırdalan qəbiristanlığında dəfn olunacaq.

“Qarabağ qaziləri” İctimai Birliyi, Azərbaycanın Milli Qəhrəmanı Asif (Fred) Məhərrəmov adına İnkişaf Fondunun, QAZİLER.AZ saytının kollektivləri İ.Yaqubovun vəfatından kədərləndiyini bildirir və mərhumun ailəsinə başsağlığı verir!

Allah rəhmət eləsin!

QAZİLER.AZ