Bu gün dünyasını dəyişən I qrup Qarabağ müharibəsi əlili, "Qarabağ qaziləri" ictimai birliyinin üzvü, qazi Arif Əliyev dəfn edilib.

"Qarabağ qaziləri" ictimai birliyi mətbuat xidmətinin rəhbəri Rey Kərimoğlu Qaziler.az-a bildirib ki, qazi Ramana qəbirstanlığında torpağa tapşırılıb. Dəfn mərasimində "Qarabağ qaziləri" ictimai birliyinin sədri Asəf Əliyev başda olmaqla qazilər, Arif Əliyevin döyüş yoldaşları, Ağdam polis alayının döyüşçüləri və ailə üzvləri iştirak edib. 

Arif Kamal oğlu Əliyev 1967-ci ildə Ağdam rayonunda anadan olub. 1992-ci ildə Ağdam uğrunda gedən ağır döyüşlərdə yaralanıb və hər iki ayağını itirib.

Qazi "Vətən Uğrunda" medalı ilə təltif edilib.

Ailəli idi. 3 qız övladı yadigar qalıb.

Allah rəhmət eləsin!

QAZİLER.AZ