Bu gün şəhid Zeynalov Teymur Tağı oğlunun doğum günü qeyd olunub.

Qaziler.az xəbər verir ki, bu məqsədlə Bakı şəhəri 6-mkr. Əhmədbəy Ağayev küçəsi 120 ünvanında yerləşən şəhidin bulağı önündə tədbir keçirilib.

Tədbirdə şəhidin təhsil aldığı Bakı şəhəri 30 saylı orta məktəbin müəllimləri, Azərbaycan Dövlət İqtisad Universitetinin müəllim kollektivi və şagirdlər, həmçinin şəhidin atası və şəhid Ramil Hüseynovun, şəhid kapitan Zeynalov Turalın, şəhid Elvin Bayramovun atası və digər şahid valideynləri iştirak ediblər.

Tədbir yekunlaşdıqdan sonra Teymur Zeynalovun dəfn olunduğu Biləcəridəki Şəhidlər xiyabanı ziyarət olunub. Şəhidin məzarı başında qısa çıxışlar edilib və ruhuna dualar oxunub.

Teymur Zeynalovun doğum günündə onun döyüş yoldaşları, Vətən müharibəsi iştirakçıları, qazilər və “Beynəlmiləlçi Əlil Döyüşçülər” Fondunun Binəqədi təşkilatının sədri Teymur Sərdaroğlu da iştirak edib.

QAZİLER.AZ