Onlar şanlı Zəfərimizin qəhrəmanlarıdır. Müharibədə əzalarını itirsələr də, qısa müddətdə son nəsil protezlərlə təmin olunaraq yenidən aktiv həyata döndülər.
Bu barədə Qaziler.az-a Əmək və Əhalinin Sosial Müdafiəsi Nazirliyindən verilən məlumatda qeyd edilib.
Bu gün hətta müxtəlif idman növlərinə cəlb olunaraq məşqlər edir, öz idman bacarıqlarını uğurla nümayiş etdirə bilirlər.
Son nəsil protezlər funksional üstünlükləri ilə onlara dəyişən məkanlarda və məqamlarda belə hərəkəti sərbəst, tam və daha dəqiq tənzimləməyə, tez və rahat inteqrasiyaya imkan verir.
