Bu gün "Qarabağ qaziləri" İctimai Birliyinin sədri Asəf Əliyev, Azərbaycan Vətən Müharibəsi Veteranları İctimai Birliyinin sədri Füzuli Rzaquliyev, Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənlinin təşkilatçılığı ilə Qarabağ qaziləri, veteranları və şəhid ailələri Türkiyə səfirliyində olublar. 

"Qarabağ qaziləri" İctimai Birliyinin mətbuat xidmətinin rəhbəri Rey Kərimoğlu Qaziler.az-a bildirib ki, onlar qardaş Türkiyənin bu acı günlərində onun yanında olduğumuzu, onun dərdinə şərik olduğumuzu bildirmək, dəhşətli zəlzələdə həyatını itirmiş minlərlə insana görə başsağlığı vermək üçün səfirliyə gəldiklərini dedi. 

Milli Qəhrəman Polad Həşimovun anası Səmayə Haşımova, "Qarabağ qaziləri" İctimai Birliyinin sədri Asəf Əliyev, Azərbaycan Vətən Müharibəsi Veteranları İctimai Birliyinin sədri Füzuli Rzaquliyev çıxış edərək TÜRK DÖVLƏTİNƏ, TÜRK MİLLƏTİNƏ başsağlığı verərək Azərbaycanın həmişə Türkiyənin yanında olduğunu, onların acısının bizim acımız olduğunu söylədilər. 

QAZİLER.AZ