İrandan sərhədi pozaraq qanunsuz Türkiyə, İraq və Azərbaycana qaçaq yolla keçmək istəyən 22 min əcnəbi vətəndaş həbs olunub. Bunu İranın Qərbi Azərbaycan əyalətinin sərhəd qoşunları komandiri Şəhram Abbasi deyib. Trend-in məlumatına görə, bu barədə İran televiziyasının rəsmi xəbər saytı iribnews xəbər verir.
Ş.Abbasi deyib ki, cari ilin əvvəlindən indiyədək (İranda il martın 21-də dəyişir) orta hesabla gün ərzində 150-200 əcnəbi vətəndaş ölkə sərhədini qanunsuz keçmək istəyərkən həbs olunub.O deyib ki, apardığımız mübarizə nəticəsində qaçaqmalçılığın həcmi 95 faizə qədər azalıb.
İranın Qərbi Azərbaycan əyaləti Türkiyə, İraq və Azərbaycanla ümumilikdə 965 kilometr uzunluğunda müştərək sərhədə malikdir.
