Dünya Bankının “Azərbaycanda Məşğulluğa Dəstək” layihəsi üzrə missiyası ilə görüş olub

Dünya Bankının “Azərbaycanda Məşğulluğa Dəstək” layihəsi üzrə missiyası ilə görüş olub backend

Əmək və Əhalinin Sosial Müdafiəsi Nazirliyinin tabeliyindəki Əmək Bazarı və Sosial Müdafiə Məsələləri üzrə Milli Observatoriyada Dünya Bankının “Azərbaycanda Məşğulluğa Dəstək” layihəsi üzrə missiyası ilə görüş olub.

Bu barədə Qaziler.az-a Əmək və Əhalinin Sosial Müdafiəsi Nazirliyindən bildirilib.

Əmək və əhalinin sosial müdafiəsi nazirinin müavini Anar Əliyev “Azərbaycanda Məşğulluğa Dəstək” layihəsinin ölkəmizdə həssas qrupların kiçik biznesə çıxışına imkan verən özünüməğulluq proqramlnın genişləndirilməsində əhəmiyyətini qeyd edib.

Əmək Bazarı və Sosial Müdafiə Məsələləri üzrə Milli Observatoriyanın əmək, məşğulluq, sosial müdafiə sahələri üzrə monitorinq və təhlillərin aparılması, proqnozlaşdırma kimi vacib istiqamətlərdə fəaliyyətindən bəhs olunub. Layihə üzrə missiyanın ev təsərrüfatları sorğusunun da daha təkmil hazırlanmasında Milli Observatoriya ilə birgə işlərin faydalı olduğu bildirilib. 

Dünya Bankının  sosial müdafiə məsələləri üzrə baş mütəxəssisi Mirey Ovadiya, baş iqtisadçı Sırma Demir Şeker Observatoriya ilə əməkdaşlıq təcrübələrini yüksək dəyərləndiriblər. Sorğu və təhlillər sahəsində gələcəkdə də əməkdaşlığın davam etməsinin əhəmiyyətli ola biləcəyini qeyd ediblər.

Görüşdə Milli Observatoriyanın təlimlərindən, burada aparılan tədqiqat işlərindən və Mərkəzin layihələrindən, sorğu, təhlil və tədqiqat sahələrində Milli Observatoriya ilə Dünya Bankı missiyasının gələcək əməkdaşlıq məsələləri, təcrübə mübadilələrinin aparılması imkanları müzakirə olunub.

loading...
Diaspora