Nəqliyyatı İntellektual İdarəetmə Mərkəzi 15 sentyabr yeni tədris ilinin başlanması ilə əlaqədar olaraq tədris müəssisələrinin, universitet və məktəblərin yaxınlığındakı yollarda “yaşıl dalğa” sisteminin tətbiqinə başlayıb.

Bu sözləri ANS PRESS -ə açıqlamasında Nəqliyyatı İntellektual İdarəetmə Mərkəzinin (NİİM) mətbuat xidmətinin rəhbəri Şəfa Mehmanqızı deyib.

Onun sözlərinə görə eyni zamanda NİİM mütəxəssiləri tərəfindən hazırda paytaxtın 150 yol kəsişməsində svetoforların terxniki vəziyyəti yoxlanılır və svetoforların vaxt planlarına dəyişiklik edilir.

"15 sentyabr tarixində “yaşıl dalğa”nın tətbiqindən əlavə, pik saatlarda avtomobil sıxlığı hansı küçə və prospektlərdə müşahidə olunarsa, dərhal NİİM mütəxəssisləri tərəfindən həmin ərazidə svetoforun fazalarına dəyişiklik edəcək. Daha sonra yaşıl işığın yanma müddəti artırılacaq ki, bu da sıxlığı aradan qaldırmağa imkan verəcəkdir"- deyə Ş.Mehmanqızı məlumat verib.

O, həmçinin əlavə etdi ki, yay mövsümündəki vaxt planı dəyişdirilərək svetoforun yaşıl işığnının yanma müddəti uzadılır. Bu dəyişiklik xüsusən paytaxtın avtomobil sıxlığı çox olan küçə və prospektlərində sıxlığın qarşısının alınması üçün tətbiq edilir.