Oktyabrın 12-də Bərdə Dövlət Idarəetmə və Texnologiya Kollecində Azərbaycan Respublikasının Qeyri – Hökumət Təşkilatlarına Dövlət Dəstəyi Agentliyinin maliyyə dəstəyi ilə "Doğma Yurda Qayıdış" İctimai Birliyi “Yeniyetmə və gənclər arasında tarixi zəfərimizin təbliği ilə bağlı maarifləndirici tədbirlərin təşkili” adlı layihə çərçivəsində tələbələrlə görüş keçirib.
"Doğma Yurda Qayıdış" İctimai Birliyinin sədri, layihənin rəhbəri Səməd Hətəmov Azərbaycanın ərazi bütövlüyü uğurunda canlarını fəda etmiş şəhidlərimizin xatirəsini bir dəqiqəlik sükutla yad etməyi təklif edib. Şəhidlərimizin ruhu bir dəqiqəlik sükutla yad edilib, qazilərimizə, yaralılarımıza can sağlığı arzulanıb.
Layihənin rəhbəri Səməd Hətəmov layihəni maliyələşdirdiyinə görə Azərbaycan Respublikasının Qeyri– Hökumət Təşkilatlarına Dövlət Dəstəyi Agentliyinə təşəkkürünü bildirib, layihənin məqsədi ilə bağlı görüş iştirakçılarını məlumatlandırıb, 44 günlük II Qarabağ müharibəsinin tarixi əhəmiyyətindən, müharibə dövründəki milli həmrəyliklə bağlı geniş məruzə edib.
Sonra Bərdə RİN-nin informasiya təminatı və təhlili sektorunda aparıcı məsləhətçi Şəmsiyyə Abbaszadə, Bərdə Dövlət Idarəetmə və Texnologiya Kollecinin direktoru Xosrov Musayev, Bərdə Dövlət Idarəetmə və Texnologiya Kollecinin müəllimi, QHT sədri Aydın Zeynalov çıxış edərək düşmən təxribatından, zəfəri qazanmaqda ordu və xalq həmrəyliyinin əhəmiyyətindən, ALİ Baş Komandanın gördüyü işlərdən, ordu quruculuğundan, bugünkü gəncliyin üzərinə düşən vəzifələrdən danışıblar.
Daha sonra söz II Qarabağ müharibəsinin iştirakçısı, kapitan, politoloq, layihənin eksperti Taleh Əliyevə verilib. Taleh Əliyev keçdiyi döyüş yolundan, xalq ordu həmrəyliyindən, xalqın orduya dəstəyi, qələbəni şərtləndirən əsas amillər, dövlətin daha da qüdrətlənməsi üçün gəncliyin üzərinə düşən vəzifələrlə bağlı çıxış edib.
Görüşün gedişində tələbələrə mövzu ilə bağlı hazırlanmış buklet paylanıb.
Çıxışlardan sonra layihə çərçivəsində hazırlanmış “Zəfərdən zəfərə” filmi nümayiş olunub. Çıxışlar və film tələbələrin marağına səbəb olub.
Sonda layihə rəhbəri Səməd Hətəmov görüşün təşkilinə görə Ağdam Rayon İcra Hakimiyyətinə və Ağdam Dövlət Sosial-İqtisad Kollecinə təşəkkürünü bildirib.
Qeyd edək ki, Azərbaycan Respublikasının Qeyri – Hökumət Təşkilatlarına Dövlət Dəstəyi Agentliyinin maliyyə dəstəyi ilə Doğma Yurda Qayıdış İctimai Birliyi “Yeniyetmə və gənclər arasında tarixi zəfərimizin təbliği ilə bağlı maarifləndirici tədbirlərin təşkili” adlı layihəyəsi çərçivəsində Ağdam, Ağcabədi və Bərdə rayonlarında, hər birində 50 nəfər olmaqla, 150 nəfər gənc və yeniyetmə üçün 44 günlük Vətən müharibəsində qazandığımız zəfərin təbliği ilə bağlı maarifləndirici tədbirlərin keçirilməsi, II Vətən müharibəsinə həsr olunmuş sənədli film çəkilməsi və görüş iştirakçılarına nümayiş olunması nəzərdə tutulub.
Xeberdar.net
