Milli Məclisin deputatı Azay Quliyev Azərbaycanda əmək hüquqlarının pozulmasının qarşısının alınması üçün Ombudsmanın səlahiyyətlərinə yenidən baxılmasını təklif edib.

“Report”un xəbərinə görə, o, "Azərbaycan Respublikasının İnsan Hüquqları üzrə müvəkkili (ombudsman) haqqında" Konstitusiya qanununda dəyişikliklər layihəsinin müzakirəsi zamanı bildirib ki, bəzən Ombudsmana edilən şikayətlərə baxılması müşahidədən kənara çıxmır.

O qeyd edib ki, məhkəmə çəkişmələrində də Ombudsmanın hüquqlarını artırmaq lazımdır: “Digər tərəfdən ixtisaslaşmış vətəndaş cəmiyyətinin üzvləri ilə əməkdaşlığa ciddi yanaşılmalıdır”.