Ermənilərin son təxribatı zamanı şəhid olan Səbuhi Əhmədovun qardaşı ilə yazışması yayılıb.
Musavat.com xəbər verir ki, fotoda 2 qardaşın iyulun 18-də yazışmaları əks olunub.
Belə ki, Səbuhi mesajında hər şeyin yaxşı olacağını, evinin, ailənin önəmli olduğunu vurğulayaraq, sentyabrda, yoxsa dekabrda məzuniyyətə gəlim?, - deyə sual verir.
Qardaşı isə "sentyabrda deyərəm gələrsən", deyə cavab verir.
Xatırladaq ki, Səbuhi Əhmədov sentyabrın 13-də Ermənistan ordusunun sərhəddə törətdiyi təxribat nəticəsində şəhid olub. Valideyn himayəsindən məhrum olmuş Səbuhi SOS uşaq evində böyüyüb. O, İkinci Fəxri xiyabanda dəfn olunub.
