40 manat cərimə oluna bilərsiniz - Taksi sürücülərinə VACİB XƏBƏR

40 manat cərimə oluna bilərsiniz - Taksi sürücülərinə  VACİB XƏBƏR backend

Paytaxtın bir sıra ərazilərində taksilər avtobus dayanacaqlarını zəbt edirlər.  Xüsusilə günün pik saatlarında belə hallarla daha çox rastlaşırıq. Nəticədə həm marşrutların intervalında ləngimələr yaranır, həm də sərnişinlər rahat şəkildə ictimai nəqliyyatdan istifadə edə bilmirlər.

Çəkiliş apardığımız Neftçilər metrosu yaxınlığında yerləşən dayanacaqlarda da  oxşar vəziyyət hökm sürür. Avtobus sürücüləri deyirlər ki, taksi sürücüləri yol vermədiyindən nəqliyyat vasitəsini dayanacaqdan kənarda saxlamağa məcbur olurlar.

Taksi fəaliyyəti ilə məşğul olan şəxslərin isə məsələ ilə bağlı öz arqumentləri var. Onlar bildirirlər ki, taksilər üçün xüsusi yerləri ayrılmadığından, avtobus dayanacaqlarını zəbt etməli olurlar.

Bakı Şəhər Dövlət Yol Polisi İdarəsinin Baş İnspektoru Araz Əsgərli deyir ki, Nəqliyyat vasitələrinin nəzərdə tutulmayan yerlərdə, o cümlədən avtobus dayanacaqların saxlanması inzibati xəta hesab edilir. O, belə hallara qarşı mütəmadi tədbrilərin görüldüyünü də bildirir.

Problemdən çıxış yolu isə yəqin ki, taksiparklarının yaradılmasıdır. Ancaq bunun nə zaman reallaşacağı hələlik bilinmir. (xəzərxəbər)

 

loading...
Diaspora