Bu gün Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin rəhbər şəxsləri növbəti dəfə onlayn vətəndaş qəbulu keçirib.

Qaziler.az-ın “Azəriqaz”a istinadən verdiyi məlumata görə, videoformatda keçirilən görüş zamanı baş direktor Ruslan Əliyev Bərdə rayonu, baş direktorun istismar üzrə müavini Cahid Hüseynov Ağcabədi rayonu, baş direktorun əsaslı tikinti üzrə müavini Ramil İsgəndərov isə Beyləqan rayon sakinlərinin müraciətlərini dinləyiblər.

Vətəndaşlar qəbul zamanı qaz təchizatı ilə bağlı üzləşdikləri çətinlikləri İstehsalat Birliyinin rəhbər şəxslərinə çatdırıblar.

Bundan əlavə, vətəndaşlar tərəfindən qaz xətlərinin yerinin dəyişdirilməsi, fərdi qaz çəkilişləri və s. müraciətlər də ünvanlanıb. Baş direktor və müavinləri Tərtər Regional qaz istismarı İdarəsinin rəhbər şəxslərinə vətəndaşların müraciətlərinə operativ baxılmasına dair müvafiq tapşırıqlar veriblər.