Bu gün Bakı metrosunda qatarların hərəkətində gecikmə olub.
“Bakı Metropoliteni” QSC bununla bağlı açıqlama verib.
"Bu gün saat 18:37-də “Həzi Aslanov – Dərnəgül” xətti ilə hərəkət edən qatar nasazlıq səbəbilə “Nizami” stansiyasından depoya göndərilib.
Sərnişinlər “Nizami” stansiyasında düşürülüb. Bundan sonra depoya göndərilən qatarın əvəzinə ehtiyat qatar xəttə buraxılıb", - deyə qurumun mətbuat xidmətinin rəhbəri Bəxtiyar Məmmədov bildirib.
Qeyd edək ki, bu gün axşam saatlarında sözügedən istiqamətdə qatarların gecikməsi sərnişin sıxlığına səbəb olub.