Ermənilər əsgərin snayper atəşindən öldürüldüyünü iddia edir. Azərbaycanın işğal edilmiş Dağlıq Qarabağ bölgəsində işğalçı Ermənistan ordusunun daha bir əsgəri öldürülüb.

ANS PRESS-in məlumatına görə, Karen Ovannisyan cəbhə xəttinin şərq hissəsində yerləşən hərbi hissələrdən birində öldürülüb. Ermənistan tərəfi əsgərin snayper atəşindən öldürüldüyünü iddia edir. Ermənistan Müdafiə Nazirliyinin mətbuat xidməti Karen Ovannisyanın 12:30-da təmas xəttinin şərq istiqamətində yerləşən hərbi hissəsinin döyüş dayaq məntəqəsində ölümcül güllə yaralanmasından öldüyünü qeyd edib.

Təfərrüatların müəyyənləşdirilməsi üçün istintaq başlanıb.