Pələng ilinin yubilyarları

Pələng ilinin yubilyarları backend

Şərq təqvimi üzrə pələng ili olan 2022-də Azərbaycanın bir çox məşhur şəxsinə yubiley yaşı gəlir.

Novator.az bildirir ki, 50 yaşa çatanlar arasında prezidentin köməkçisi Şahmar Mövsümov, hərbçi polkovnik Tehran Mənsimov, Milli Məclisin deputatları Erkin Qədirli, Zahid Oruc, jurnalist, siyasətçi Mustafa Hacıbəyli, siyasətçi, iqtisadçı Natiq Cəfərli, şairə Səhər Əhməd, aktyor Bəhram Bağırzadə, xanəndələr Nəzakət Teymurova, Elnarə Abdullayeva, futbol xadimi Qurban Qurbanov var.

Ekologiya və təbii sərvətlər naziri Muxtar Babayev, Dövlət Sərhəd Xidmətinin rəisi Elçin Quliyev, siyasətçi Əli Əliyev, jurnalist Vüqar Rəhimzadə, bəstəkar Aygün Səmədzadə, xanəndə Aygün Bayramova, müğənnilər Nüşabə Ələsgərli, Zülfiyyə Xanbabayeva, futbol veteranı Vidadi Rzayev 55 yaşa qədəm qoyur.

Siyasətçilər Arif Hacılı, Arzu Səmədbəyli, Fərəc Quliyev, Nemət Pənahlı, Ailə, Qadın və Uşaq Problemləri üzrə Dövlət Komitəsinin sədri Bahar Muradova, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev, jurnalistlər Mübariz Əsgərov, Rahib Azəri, filoloq alim Nərgiz Paşayeva, xanəndə Mələkxanım Əyyubova, müğənni Şəbnəm Tapdıq, aktyor Çingiz Əhmədov 60 yaşa çatır.

65 yaş bu şəxslər üçün əlamətdardır: siyasətçilər İsa Qəmbər, Pənah Hüseyn, hərbçi polkovnik Şair Ramaldanov, Milli Məclisin deputatları Aydın Mirzəzadə, Musa Qasımlı, prezidentin köməkçisi Zeynal Nağdəliyev, Bakı Şəhər İcra Hakimiyyətinin başçısı Eldar Əzizov, jurnalist, ictimai xadim İlham İsmayıl, ictimai-siyasi xadimlər Akif Nağı, Eldar Sabiroğlu, yazıçı-publisist Mehriban Vəzir, hüquq müdafiəçisi Çingiz Qənizadə, yazıçı Afaq Məsud, jurnalistlər Mehman Əliyev, Elçin Şıxlı, Əflatun Amaşov, Qulu Kəngərli, dövlət xadimi Fikrət Yusifov, aktrisa Həmidə Ömərova, xanəndə Alim Qasımov, müğənnilər Xədicə Abbasova, İlqar Muradov.

Konstitusiya Məhkəməsinin hakimi İsa Nəcəfov, dövlət xadimi Səyyad Aran, alim, ictimai-siyasi xadim Cəmil Həsənli, Mərkəzi Bankın İdarə Heyətinin sədri Elman Rüstəmov, kino xadimi Eldəniz Quliyev 2022-ci ildə 70 yaşı haqlayır.

75 yaşı tamam olanlar arasında sabiq baş nazir Novruz Məmmədov, Milli Məclisin deputatları Vahid Əhmədov, Əhliman Əmiraslanov, Fəzail Ağamalı, ictimai-siyasi xadim Firudin Cəlilov, siyasətçi Rəsul Quliyev, dövlət xadimi Südabə Həsənova, musiqi xadimləri Faiq Sücəddinov, Fərhad Bədəlbəyli, Firəngiz Əlizadə, Fidan Qasımova, rəqqasə Afaq Məlikova, futbol xadimi Ağasəlim Mircavadov var.

Dövlət xadimləri Vahid Axundov, Hadı Rəcəbli, siyasi xadim Xanhüseyn Kazımlı, jurnalist, pedaqoq Nəsir Əhmədli, yazıçı-publisist Fazil Rəhmanzadə, tarixçi, publisist Şəmistan Nəzirli 80 yaşa çatır.

loading...
Diaspora