ABŞ Dövlət Departamenti: “Əl-Qaidə” liderləri Tehranda yaşayır”

ABŞ Dövlət Departamenti: “Əl-Qaidə” liderləri Tehranda yaşayır” backend

ABŞ administrasiyası hesab edir ki, “Əl-Qaidə” terror qruplaşmasının bir sıra liderləri Tehran hakimiyyətinin məlumatı olduğu halda İranda qalmaqda davam edir.

Apa-nın məlumatına görə, bunu ABŞ Dövlət Departamentinin Terrorla Mübarizə üzrə Koordinatoru Con Qodfri dünyada terrorizmlə mübarizəyə dair növbəti illik hesabatını dərc etməsi ilə bağlı keçirilən xüsusi brifinqdə bildirib.

O, “Əl-Qaidə” liderlərinin Tehranda yaşamaqda davam etməsindən dərin narahatlığını ifadə edib: “Tehranda və Tehran ətrafında onların “Əl-Qaidə” şəbəkəsinin liderləri kimi fəaliyyətlərini davam etdirməyə kömək edilir. Tehran hakimiyyəti “Əl-Qaidə” şəbəkəsinin nümayəndələrinə “İranda təhlükəsiz yaşamağa” icazə verir”.

Amerikalı diplomat əlavə edib ki, İran qara siyahılara daxil edilmiş terror qruplarının spektrini maliyyələşdirmə, təlim, silah və texnika ilə təmin etməkdə davam edir: “İran hələ də ölkədə yaşayan “Əl-Qaidə” liderlərini məsuliyyətə cəlb etməyə hazır deyil. İran ərazisində olan bu şəxslərin adlarını açıqlamaqdan imtina edir. İran “Əl-Qaidə” nümayəndələrinə ən azı 2009-cu ildən öz ərazisində fəaliyyət göstərməyə, o cümlədən pul vəsaitləri və silahlıları Cənubi Asiya və Suriyaya köçürməyə icazə verib”.

Con Qodfri bildirib ki, ABŞ İranı terrorçulara sponsorluq edən ölkə kimi təsnif edir.

loading...
Diaspora