Tayvanın “HTC” korporasiyası maliyyə ilə bağlı yaranan çətinlikləri aradan qaldırmaq üçün işçilərinin bir qismini ixtisar etməyi planlaşdırıb.
AZƏRTAC BBC-yə istinadla xəbər verir ki, şirkət ötən yarım il ərzində Çin bazarlarında “Apple” və “Samsung Electronics” ilə rəqabətdə xeyli müştəri itirib. Bu isə korporasiyanın gəlirlərinin 51 faizədək azalmasına səbəb olub. “HTC” bundan sonra daha çox satılan 250-400 dollar dəyərində smartfonların istehsalına üstünlük veriləcəyini bildirib.
