Deputatdan hökumətə: “Onsuz da biz deyəni etmirsiniz, bizi saymırsınız”

Deputatdan hökumətə:  “Onsuz da biz deyəni etmirsiniz, bizi saymırsınız” backend

Milli Məclisdə çıxış edən deputat Tahir Kərimli bir müddət sonra hökumətin iştirakı ilə büdcə müzakirələrinin olacağını xatırlatdı və hökumət üzvlərini tənqid etdi.

Deputat bildirdi ki, hökumət üzvləri iclasda iştirak edərkən çıxışlara, qaldırılan problemlərə ənənəvi biganəlik göstərəcəklər: “Hərdən hökumət üzvləri başını qaldırıb sağa baxacaq, sanki Tahir Kərimlini növbəti dəfə “QAİ” saxlayıb. Səhiyyədən danışacağıq, səhiyyə naziri cavab verməyəcək, təhsildən danışacağıq, təhsil naziri cavab verməyəcək. Balam, prezident səni vəzifəyə qoyub, üzərinə düşənləri et, islahatlar keçir! Sənə deməyib ki, get, 190 min ailənin pensiyasını kəs! Nə vaxta kimi prezidentin arxasında gizlənəcəksiniz, nə vaxta kimi xalqdan qaçacaqsınız?”

T.Kərimli hökumət üzvlərinin qaldırılan məsələlərin əksini etdiyini söylədi: “Təklif edirik ki, uşaqpulu verilsin, əksinə çıxırlar. Deyrik, benzinin qiymətini aşağı salın, əksinə, qaldırırlar. Pensiyanı artırmağı təklif edirik, məhəl qoymurlar. Tarif Şurası yaradıb, onun arxasında gizlənirsiniz. Nə deyirik, tərsinə edirsiniz. Onsuz da biz deyəni etmirsiniz, bizi saymırsınız! O boyda Qarabağın bərpası məsələsini qoymuşuq, Türkiyədən başqa investisiya qoyan yoxdur. Bir dənə istehsal sahələri qurmursunuz. Camaata deməyə sözümüz yoxdur. Biz 50 manat verib, bir çaynik çay içirik, rayonda isə 9-10 kişi toplaşır ki, 10-20 qəpikdən “sobrazim” edək, 1 çaynik çay içək!”

Musavat.com

loading...
Aydinyol.az