Ölkədə yenidən sərt karantin rejimi tətbiq ediləcək? - AÇIQLAMA

Ölkədə yenidən sərt karantin rejimi tətbiq ediləcək? -  AÇIQLAMA backend

“Mövcud vəziyyətdə yoluxma sayında artım müşahidə edilir. Əgər yoluxma dinamikası sürətlənərsə, karantin rejimi sərtləşdirilə bilər”.

Oxu.Az xəbər verir ki, bunu brifinqdə Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.

O bildirib ki, xəstəxanalarda COVID-19 xəstələrinin sayı artarsa, qapanma gözlənilə bilər:

“Ölkədə epidemioloji vəziyyət pisləşərsə, biz qapanmaya getməyə məcbur olacağıq. Çünki insanlar ölür. Ölkədə xəstəxanalarda çarpayılar dolur. Qapanma tətbiq edilmədən bunun qarşısını almaq çətindir. Lakin insanlar qısa müddət ərzində kütləvi şəkildə vaksin olunsalar, sərt karantinə və ya hər hansı qapanmaya ehtiyac qalmayacaq. Belə olan halda təşviş də yaranmayacaq”.