Musiqi təhsili sahəsində çoxillik əmək fəaliyyətinə, habelə gənc nəslin estetik tərbiyəsində səmərəli işinə görə Zöhrab Abas oğlu Hacıyev Azərbaycan Respublikası Mədəniyyət və Turizm Nazirliyinin Fəxri Fərmanı və pul mükafatı ilə təltif edilmişdir.

Zöhrab Hacıyev 53 il mədəniyyət və musiqi təhsili sahəsində çalışmış, o cümlədən 30 il Bakı şəhər 34 nömrəli Uşaq Musiqi Məktəbinə rəhbərlik etmişdir. İşlədiyi illər ərzində Z.Hacıyev öz vəzifə borcunun öhdəsindən bacarıqla gəlmiş, çalışqanlığı, işgüzarlığı, təşkilatçılığı ilə seçilmişdir. O, məktəbdə təhsilin keyfiyyətinin yüksəldilməsi, uşaq və yeniyetmələrin bədii-estetik zövqünün formalaşması, istedadlı gənclərin üzə çıxarılması, onların yaradıcılıq imkanlarının inkişaf etdirilməsi sahəsində əhəmiyyətli iş aparmışdır.