Milli Məclisin plenar iclasında çıxış edən deputat Elşən Musayev əvvəlcə seçildiyi Zaqatalanın su problemindən bəhs etdi. Daha sonra deputat xanım Qarabağ qazisi ilə bağlı hökumətə müraciət etdi: “Birinci Qarabağ Müharibəsində döyüşən, qazi Rüxsarə Cumayevanın köməyə ehtiyacı var”.

E.Musayev qazinin dövlətdən kömək gözlədiyini bildirdi: “Tutu ləqəbli qazimiz Rüxsarə Cumayevanın hazırda səhhəti pisdir. Onun ayaqları tutulub. Bu qəhrəman xanıma təcili olaraq kömək edilməlidir. Vəziyyəti olduqca qeyri-qənaətbəxşdir. Onun dövlətdən gözləntisi var. Xahiş edirik ki, aidiyyəti qurumlar qazimizin salamlığı üçün səfərbər olsunlar”.

Musavat.com