Vətən müharibəsi şəhidi Xaçmazda dəfn edilib.

“Report”un Şimal bürosunun xəbərinə görə, Azərbaycan Ordusunun Vətən müharibəsində yaralanıb, 6 ay komada qalandan sonra şəhid olan hərbi qulluqçusu Səbuhi Hüseynli Xaçmaz rayonunun Maqsudkənd kəndinin qəbiristanlığında dəfn torpağa tapşırılıb.

*****

Vətən Müharibəsində ağır yaralanan və 6 ay komada qalan Azərbaycan Ordusunun hərbi qulluqçusu, 24 yaşlı Səbuhi Babək oğlu Hüseynli ötən gün şəhid olub.

Qazilər.az xəbər verir ki, Xaçmaz rayon İcra Hakimiyyətindən verilən məlumata görə, oktyabrın 26-da Xocavənd ətrafında gedən döyüşlərdə baş nahiyəsindən ağır yaralanan Səbuhi Hüseynli uzun müddət idi ki, Silahlı Qüvvələrin Kliniki  Baş Hospitalında və Respublika Neyrocərrahiyyə Xəstəxanasında  müalicə olunurdu.

İcra hakimiyyətindən o, da bildirilib ki, "YAŞAT "Fondu yaralı qazinin müalicəsini xüsusi nəzarətə götürmüşdü, Türkiyədən gələn həkimlər də onu müayinə etmişdilər. Amma baş nahiyəsindən aldığı güclü travma səbəbindən onu  tərpətmək, xaricə aparmaq mümkün olmayıb. Həkimlərin səyinə baxmayaraq, Səbuhi ötən gün xəstəxanada keçinib.

Şəhid hərbçimiz bu gün Xaçmazın Maqsudkənd kəndinin qəbiristanlığında torpağa tapşırılacaq.

Qeyd edək ki, Şəhid Səbuhi Hüseynli ailəli olub, ondan yadigar bir övladı qaldı.

Allah rəhmət eləsin!