Bağçaların işləməsi məsələsinə aydınlıq gətirildi -  RƏSMİ backend

Bağçaların işləməsi məsələsinə aydınlıq gətirildi - RƏSMİ

Bakıda fəaliyyət göstərən uşaq bağçaları fəaliyyətini davam etdirəcək.

Bakı Şəhər Məktəbəqədər Təhsil Müəssisələri və Uşaq Evləri İdarəsindən bildirilib ki, bağçalarda çalışan işçi heyətin qısa müddət ərzində tam tərkibdə peyvənd olunması ilə bağlı tapşırıq verilib.

"Bu gün dövlət məktəbəqədər təhsil müəssisələrində profilaktik tədbirlər (dezinfeksiya, peyvəndləmə) işləri həyata keçirilib. Aprelin 6-da səhər saatlarından etibarən bağçalar uşaqların üzünə açıq olacaq", - məlumatda bildirilib.

Qeyd edək ki, Bakı, Sumqayıt, Gəncə, Şəki şəhərləri və Abşeron rayonunda yerləşən məktəbəqədər təhsil müəssisələrinin aprelin 5-dən bağlanması ilə bağlı qərar aprelin 2-də müvafiq yerli icra hakimiyyəti orqanları tərəfindən verilib.

Daha sonra təhsil naziri Emin Əmrullayevin aprelin 3-də feysbuk səhifəsində “Pandemiya dövründə tədrisin təşkili” mövzusunda sualları cavablandırarkən bağçaların bağlanmayacağını və fəaliyyətlərini davam etdirəcəyini demişdi.