Tələbə Qəbulu üzrə Dövlət Komissiyası (TQDK) Azərbaycan Tibb Universitetinin Hərbi Tibb Məktəbinin Feldşer ixtisasına və Azərbaycan Respublikasının hərbi liseylərinə qəbul imtahanı keçiriəcək. QAZİLER.AZ xəbər verir ki, komissiyanın mətbuat xidmətindən Lent.az-a verilən məlumata görə, iyulun 3-da həmin tədris müəssisələrinə keçiriləcək qəbul imtahanlarında iştirak etmək üçün qeydiyyatdan keçmiş şəxslərin "İmtahana buraxılış vərəqəsi " iyulun 25-dən TQDK-nın internet saytından əldə edə biləcəklər.
Burada imtahanın başlanma vaxtı və yeri, imtahan zalının kodu və digər zəruri məlumatlar əks olunur. Buraxılış vərəqəsi ilə yanaşı onlara “Yaddaş kitabçası”ndan çıxarış da təqdim olunur. Burada abituriyentlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.Hərbi liseylərə qəbul imtahanı keçiriləcək
