Yanvarın 18-i səhər saatlarından etibarən Ukrayna paytaxtı Kiyev növbəti dəfə güclü raket hücumlarına məruz qalıb.

QAZÍLER.AZ  "Report"-a istinaden verdiyi melumata göre,  Kiyev Fövqəladə Hallar Xidmətinin rəsmisi Pavlo Petrov  3 nəfərin həlak olduğunu bildirib.

"Səhər tezdən həyəcan siqnallarının ardınca Rusiya ordusu tərəfindən raket hücumları Kiyevin Şevçenko rayonu üzrə başlayıb. Nəticədə 3 nəfər həlak olub. Yaralananların sayı dəqiqləşdirilir. 10 avtomobil, 20-ə qədər yaşayış evi ya məhv olub, ya da ciddi zədələnib. Hazırda axtarış və yardım işləri tərəfimizdən davam etdirilir. Dağıntılar arasında mağazalar, metro stansiyası, yaşayış evləri, ticarət mərkəzi və sair var. Hazırda hər dağılan evdə, obyektdə ayrıca qruplar dağıntılar altında axtarış aparırlar.

Hücumlar nəticəsində ərazidə yaşayan azərbaycanlılar da zərər görüb. Onlara məxsus 4 müxtəlif obyekt və ev dağılıb", - əlavə edib.