Milli Müdafiə Universitetinin Cəmşid Naxçıvanski adına hərbi liseyin məzunlarının bir qismi Türkiyədə təhsilini davam etdirəcək.
"Report" xəbər verir ki, bu barədə türkiyəli professor Talat Canpolat hərbi liseyin kursantlarının 2024-cü il üzrə təntənəli buraxılışına həsr olunan mərasimdə deyib.
O, iki ölkənin ordu quruculuğunda Ümummilli Lider Heydər Əliyevin və Mustafa Kamal Atatürkün rolunu vurğulayaraq Azərbaycanla Türkiyə arasında hərbi əməkdaşlığın son dövrdə daha da inkişaf etdiyini bildirib.
