Ermənistanın NATO-ya qoşulma şansı Türkiyə və bir sıra digər ölkələrin mümkün vetosuna görə olduqca aşağıdır.

QAZİLER.AZ  Axar.az-a istinadən  xəbər verir ki, bunu Türkiyənin alyansdakı keçmiş nümayəndəsi Onur Öymen deyib.

"Ermənistan çoxlu dəyişikliklər etməli olacaq. Fikrimcə, hazırkı qlobal və regional şəraitdə belə bir mövzu NATO-nun gündəliyinə daxil ola bilməz", - Öymen bildirib.

O xatırladıb ki, alyansa yeni üzv qəbul etmək üçün bütün üzv ölkələrin razılığı lazımdır.

"Bir sıra ölkə veto hüququndan istifadə edərsə, Ermənistan NATO-ya qəbul olunmayacaq. Türkiyənin bəzi məsələlərdə mövqeyi bəllidir, ona görə də hesab edirəm ki, İrəvanın alyansa qəbul olunma şansı son dərəcə aşağıdır və hətta buna icazə verilməməlidir”, - diplomat vurğulayıb.