Azərbaycanın müdafiə naziri general-polkovnik Zakir Həsənov türkiyəli həmkarı Yaşar Gülərlə birlikdə Eskişehirdəki 1-ci Baş Reaktiv Baza Komandanlığında 2023-24-cü uçuş tədris ilinin açılış mərasimində iştirak edib.
Bu barədə Türkiyə Milli Müdafiə Nazirliyi məlumat yayıb.
Açılış mərasimində çıxış edən Yaşar Gülər türk ordusunun terrorçulara qarşı uğurlu əməliyyatlar keçirdiyini vurğulayıb:
“Ordu eynilə Kipr, Azərbaycan, Liviya, Kosovo, Bosniya və Herseqovina, Qətər, Somali və bir çox başqa ölkələrdəki qardaş, dost və müttəfiq ölkələrin haqlı işlərinə dəstək verir”.
