Rusiyada silahlı qiyamla bağlı cinayət işinə xitam verilib.
QAZİLER.AZ AZƏRTAC-a istinadən xəbər verir ki, bu barədə Rusiya Federal Təhlükəsizlik Xidmətinin (FTX) İctimai Əlaqələr Mərkəzi məlumat yayıb.
Bildirilir ki, FTX İstintaq Komitəsinin iyunun 23-də silahlı qiyam maddəsi ilə açdığı cinayət işinə xitam verilib. Belə ki, qiyamın iştirakçıları iyunun 24-də cinayətin törədilməsinə yönəldilmiş fəaliyyətlərini dayandırıblar.
Xatırladaq ki, iyunun 23-də FTX “Vaqner” qrupunun rəhbəri Yevgeni Priqojinin silahlı qiyama çağırış bəyanatları ilə əlaqədar cinayət işi açmışdı.
