Türkiyə Müdafiə Nazirliyi Konya şəhərində yerləşən aviabazada müxtəlif ölkələrin hərbçilərinin iştirakı ilə keçirilən “Anatolian Phoenix - 2023” (“Anadolu Ankası - 2023”) beynəlxalq axtarış-xilasetmə təlimindən videogörüntülər paylaşıb.

Görüntülər nazirliyin “Twitter” hesabında yayımlanıb.

Qeyd edək ki, təlimdə Azərbaycan, İspaniya, Qətər, Şimali Kipr Türk Respublikası, Polşa və Türkiyə Silahlı Qüvvələrinin nümayəndələri iştirak edirlər.

Təlimdə ölkəmizi Azərbaycan Hərbi Hava Qüvvələrinin pilotları, texniki heyəti və aviasiya vasitələri ilə yanaşı, Azərbaycan Hərbi Dəniz Qüvvələrinin və Xüsusi Təyinatlı Qüvvələrin hərbi qulluqçuları təmsil edirlər. (oxu.az)