Türkiyənin “HAVELSAN” şirkəti Azərbaycanın bu ölkədən alacağı dəniz patrul gəmilərinə inteqrasiya ediləcək “Advent” idarəetmə sistemi ilə bağlı azərbaycanlı hərbçilər üçün təlim keçib.
Bu barədə Apa-nın İstanbul müxbirinə açıqlamasında şirkətin rəsmisi bildirib.
O qeyd edib ki, əlavə olaraq gəmilərin idarəetmə sisteminə dair xidmət də daimi olaraq “HAVELSAN” tərəfindən qarşılanacaq. Həmçinin, sistemlər Azərbaycan Hərbi Dəniz Qüvvələri üçün inşa ediləcək iki gəmiyə quraşdırılaraq Azərbaycan tərəfinə hazır şəkildə təqdim olunacaq.
