Türkiyə Silahlı Qüvvələri Ege bölgəsində gerçəkləşəcək ən böyük “Efes-2022” birgə təliminə hazırlaşır.
Qaziler.az xəbər verir ki, Türkiyə Müdafiə Nazirliyinin yaydığı məlumata görə təlimlər iyun ayının ikinci həftəsində keçiriləcək. Egedə baş tutacaq təlimin ən böyük birgə təlim olacağı və 10 mindən çox silahlı birliklərin iştirak edəcəyi bildirilib.
Belə ki, 2016-cı ildə 8, 2018-ci ildə 20 ölkənin qatıldığı “Efes-2022” təlimlərində bu il 37 ölkənin iştirak edəcəyi vurğulanıb.
ABŞ Silahlı Qüvvələrinə məxsus Ch-35 helikopterləri, haubitsalar, zirehli texnika, desant gəmisi və bir çox döyüş texnikalarının, həmçinin Xüsusi Təyinatlı Qüvvələrin də əməliyyatlarda iştirakı nəzərdə tutulub.
